【港超專版】士多太子「波記」管掂科蘭辛祖

facebook twitter google
Clement 80 2018-03-13 綜合
【港超專版】士多太子「波記」管掂科蘭辛祖

一走進石門的賽馬會傑志中心,金光閃閃的獎牌、獎盃應有盡有,牆上一幅幅球員、教練照片,臉上全是勝利者的喜悅。助「藍鳥」橫掃各大錦標,除了每一位揮灑汗水的球員、在背後出謀獻計的教練、職員,一季又一季與球隊同創霸業的,還有球隊管理、71歲的李永波「波記」。圖/文:胡恩晴

「我?我無咩好講喎!我係最普通嘅人、最低微就係我!球隊冇咗我唔會點,冇老闆就唔得喇!」這位酷似卡通「小丸子爺爺」的老人家,一邊唸唸有詞,一邊拉開櫈坐好,細說27年在球圈工作的一點一滴。

「我入行好偶然, 40幾歲時冇嘢做,1991年識咗當時嘅快譯通秘書,一做就10年。之後花花做咗兩年,2003年嚟到傑志就做到依家。」「波記」父母移民加拿大前在港開「士多」,身為太子爺的他因不習慣外地生活回流香港。「嗰邊好悶㗎,我本身鍾意熱鬧。」也許因喜歡熱鬧,所以日復日為一大班球員服務也不覺倦。

40幾歲腦筋記性100分

「練習11點,我9點半左右就返到嚟。」「波記」笑言自己這個年紀不用睡那麼多,上午7時便起床上班。「返到嚟要預備三十幾個人嘅衫、褲、襪,佢哋一返到嚟就有得着,我記得晒佢哋啲位。」在傑志工作15年,日常工作全難不到他,連球員號碼也倒背如流。「辛祖咪11號!」指指後面的唐建文問:「『唐文』幾多號?」這位大內總管得戚道:「21囉!唔使考我喇,哈哈!呢啲考我唔到,我好好記性。之前耳骨有瘤,去睇埋腦科,醫生話我個腦係40幾歲嘅腦,所以記性好好!有時右邊聽嘢差啲,你哋叫我可能聽唔到,唔好鬧我唔睬人喇!」

傑志季中獲世界級球星科蘭助陣,全城為之瘋狂,但見慣大風浪的「波記」完全沒被對方氣場震懾:「佢嚟到我都冇咩嘢,唔會驚奇。我對佢哋都一樣好,唔會偏心。佢哋都對我好好,走咗都記得我,好似列文返嚟會定時定候打畀我。」多年來與傑志東征西討,今年70有1更隨軍首踏亞冠舞台,這位「老兵」只望球隊搏盡:「亞冠係好高水平嘅賽事,但球員心態最緊要!大家都係兩隻腳,肯搏嘅輸咪輸囉幾咁閒啫,打咩波都係咁話!」

「退休無限期做到做唔到」

問到「波記」有沒有退休打算,原以為熱愛自己工作的他會說「如果要為這份工作加上一個期限,我希望是一萬年」,但早已遠超退休年齡的他只淡然道:「我無限期嘅,一係自己唔做得,一係佢哋唔再請我!預咗喇呢啲年紀,如果佢哋叫我唔使返工,都唔會驚奇、傷心,咁嘅年齡預咗冇嘢做。」視傑志為家的他笑笑說:「唔做最多走去睇波,我已經同啲球員講定,叫佢哋到時拎飛畀我!哈哈!」

常言道「家有一老,如有一寶」,傑志家的「寶」,不只是從世界各地簽回來的球星、自家製青訓產品,或象徵勝利的獎盃、獎牌,更是這個難以取替、和藹可親的老公公。


本文來源:http://hk.on.cc/hk/bkn/cnt/sport/20180313/bkn-20180313001035286-0313_00882_001.html

相似文章