亞冠盃　傑志鬥天津權健 李毅凱孭重飛

傑志繼上月中於香港大球場憑着鄭展龍射入絕殺球，以1比0小勝去季日職殿軍柏雷素爾後，「藍鳥」周三(4日)晚重返亞冠戰場，出戰E組分組賽賽事，並於旺角大球場迎戰上季中超季軍天津權健。

傑志周二(3日)於旺角大球場進行賽前最後一課操練，球隊主教練朱志光表示，今仗分別有艾里奧與列斯奧一對中堅均告受傷，希望在主場球迷支持之下，能夠爭取較佳的表現︰「喺傑志嚟講我哋整個亞冠嘅起步唔係咁順利，因為頭兩場都以大比數輸咗，但係經過咗兩場之後，我哋調整過陣容，同埋球員適應咗個節奏之後，其實我哋都進步咗，同埋喺作客日本僅敗1球之後，番到嚟我哋喺主場攞到第一場嘅勝利，對我哋整隊波嘅信心嚟得合時，但係嚟緊呢場面對一個困難，我哋啱啱不幸地一對亞冠中路守將同時受傷，變咗喺陣容上會遇上有一啲阻滯，聽日可能會出現一個新嘅組合，希望無論邊個球員踢都好，比賽喺針對性上會落多啲工夫，希望喺主場借助球迷支持下，球隊會打得好啲。」

「朱Sir」續道，今仗會安排守將李毅凱出任中堅位置，並指藉着比賽去觀察他的能力水平︰「因為艾里奧同列斯奧同時受傷，我要選用一個過去兩場亞冠打得唔錯嘅球員，而李毅凱將會取代其位置，佢都有佢嘅能力，用波能力好高，紀律性都好強，希望佢喺聽日嘅比賽有正常嘅發揮，同埋經過上一場贏波，今場再考驗佢嘅能力。」

本文來源：http://hk.on.cc/hk/bkn/cnt/sport/20180403/bkn-20180403171834969-0403_00882_001.html